Olle Rosen un anner Blaumenriemels

Auteurs

• Behrend Böckmann

Paramètres

• Fiction
• Poésie
• MV-Taschenbuch

En savoir plus sur le livre

Wat sünd olle Rosen? As ik lütt wier, stünn all dei „Klüterros“ – so wür’s von uns Kinner näumt – bi Größing in ‘n Vörgorn. Dorhen keem’s all tau Kaisers Tieden un dor’s sik so as dat Ackerkrut (Quecke) œwer dei Wöddel vermihrt, künn’s ok in mienen Gorn wannern. Disse Buernros ut olle Tieden künn näben dei niegen Edelrosen blot dörch ‘n Duft beståhn un harr ‘n Tietlang wenig Anseihn. Œwer Rosenfrünn’ hemm denn doch nå denn Nåmen söcht un ruterfunnen, dat disse Ros vierhunnert Johr olt is un denn latinschen Nåmen „Rosa centifolia major“ hett. Dat heit soväl as „grote Ros’ mit hunnert Bläder“ un up Hochdüütsch künn’n seggen „Große Hundertblättrige Rose“. Twüschen 1580 un 1710 hemm’ Hollänner disse Ros’ uptreckt un ehr denn Nåmen „Grote-Hunnert-Bläder-Ros“ gäben. Sei hett as staatsch Rükelheck in väle Gorns ståhn un wür von väle Målers ut Flannern up Linnen målt. Dorüm heit’s ok Målerros. Anner hemm dei Bläuden as Kohlköpp seihn un ehr denn Ökelnamen „Kohlros“ gäben. Noch anner seggen tau ehr „Provence-Ros“, denn Kaiserin Josephine (1763 -1814), dei ierste Fru von Napoleon I. (1769-1821) harr disse Ros all in ehrn Gorn von Malmaison ståhn.

Achat du livre

• Année de publication: 2018